طريقة تنظيف السجاد على الناشف
زى م عودناكم دايما بنجيب لكم نصائح لكل حاجه خاصه بعملنا فى التنظيف اليوم هنقولكم عى طريقة تنظيف السجاد على الناشف وده من تجربة عميله لينا حبت تقدم النصيحه دى , وهيا ازاى اعمل تنظيف للسجاد بون الحاجه للتجفيف فى الشمس او غيرها من الطرق اللى معظمنا بيتعب فيها وبتحتاج يوم او يومين فى الشمس وكمان بيكون البيت فاضى من الفرش او السجاد وده شىء مزعج جدا لينا ولاطفالنا كمان وتوفير للوقت كمان وبطريقه سهله ومضمونه ومواد كلها موجوده ومتوفره فى مطبخك طريقه سهله وهتعجبك
خطوات سهله ل طريقة تنظيف السجاد على الناشف
اولا : هتجيبى جردل او اى وعاء بلاستيك زى اللى فى الصوره عشان المواد اللى هنستخدمها فى التنظيف ونحط فيها شوية مياه قليله
وهنحتاج معاها فرشه صغيره وخشنه زى اللى فى الصوره دى وتكون اليد او العصايه تبعها طويه عشان تعرفى تتحكمى فيها اثناء التنظيف وتكون سهله وبسيطه وتوفر عليكى المجهود والتعب
طريقة تنظيف السجاد على الناشف
وهنحتاج معها برسيل جيل زى اللى فى الصوره او اى سائل يكون منظف وممكن تستعملى معاها كلوركس تبع الالوانهتحتاجى مقدار غطاء واحد فقط من البرسيل جيل عشان ميعملش رغوه كتيره فى الخلطه اللى هتستعمليها لان غسيل السجاد على الناشف مش محتاج رغوه كتيره لانك مش هتنقلى السجاده من مكانها . كمان هتحتاجة لغسيل السجاد على الناشف خل مقدار نص فنجان او فنجان كامل . كمان هتحتاجى كرباناتو او صودا الخبر مقدار معلقتين . واخر حاجه هنحتاجا عشان تعط السجاده وتخلى ريحتها جميله والنسيج ميتأثرش بالفرشه ولا يتبهدل هتحطى ملطف ملابس اى ملطف ملابس موجود عندك زى كونفورت او داونى او اى نوع تانى كمان هيكون مقدار غطاء واحد
طريقة تنظيف السجاد على الناشف
هتحطى الفرشاه فى الخلطه وتبداى تمشيها على السجاده عادى خالص واحده واحده هتشوفى ازاى الخلطه جميله وتاثيرها جامد على السجاده وهتحسى بالفرق قبل وبعد التنظيف بنفسك ولازم يكون الشباك مفتوح او تشغلى المكيف او مروحه و تستمرى بتنظيف السجاده على الناشف هيبدا اى لون كان اغمق بدأ يفتح من تانى والموضوع ده ممكن يتكرر مره كل شهر عشان تفضلى محافظه على نظافة ولون وشكل السجاده
بعد كده هتجيبى فوطه نضيفه او اى قماشه بتمتص المياه المهم تكون نضيفه هتلفيها حول الفرشاه وتمشيها على السجاده بنفس طريقة التنظيف عشان تنشفى السجاده كويس . ونتمنى تكون النتيجه كويسه وتعجبك . والى لقاء فى وصفه او نصيحه تانيه قريب